الغرزة المنتفخة

الغرزة المنتفخة:-الغرزة المنتفخه من إسمها نعرف انها  منتفخه ويختلف حجمها على حسب عدد غرز النصف عمود المكونه لها فممكن نعملها بغرزتين او ثلاثه او اكثر حاجه اربع غرز

تعرف بالإنجليزية بإسم puff stitch
وإختصارها فى الباترونات المكتوبه puff  
فكرة الغرزة المنتفخه تعتمد على شغل عدد من غرزة النصف عمود غير المكتملة فى نفس المكان (هنلاحظ تكون عدد من اللفات على الابره)هنلف الخيط على الإبرة ونسحبها من جميع اللفات الموجوده على الإبرة 

1- لفي الخيط حول الإبرة وندخل الإبرة فى الغرزة المراد عمل المنتفخه فيها

 2-لفي الخيط حول الإبرة مره أخرى ونسحبها خارج الغرزة (هنلاحظ اننا بنعمل غرزة نصف عمود بس مش هنكملها)
ثم نكرر هذه الخطوه مرتين كمان
يعنى هنلف الخيط حول الإبرة مرة تانية وندخلها فى نفس الغرزة ثم نلف الخيط حول الابرة ونسحبها خارج الغرزة ثم نلف الخيط حول الابرة مرة ثالثة وندخلها فى نفس الغرزة ثم نلف الخيط حول الإبرة ونسحبها خارج الغرزة

 3- هنلاحظ تكون 7 لفات على الإبرة(اللفه الأصلية الموجوده على الإبرة+لفتين لكل غرزة نصف عمود غير مكتملة)
هنقوم بلف الخيط على الإبرة وسحبها من خلال كل اللفات الموجودة على الإبرة

4-ولعمل غرزة منتفخه أخرى هنشتغل غرزتين سلسلة كما فى الباترون المرسوم اللى فوق كمسافه بين المنتفخه والأخرى ثم نلف الخيط حول الإبرة ونشتغل كما سبق فى لغرزة المراد عمل المنتفخه بها

والمسافات بين المنتفخة والاخرى بتبقا حسب الباترون يعنى ممكن يكون سلسلة او اتنين او اكتر وممكن يكون من غير مسافات خالص (لايوجد قانون معين فى المسافات بين المنتفخات وبعضها)

غرزة الفراغات المنتظمة :